zakhm shiddat mein muskura rahe the
hazrat-e-mir yaad aa rahe the

ye wo pagal hai jis ka zikr kiya
wo taaruf mera kara rahe the

kis qadar shokh un ka lahja tha
hum to bas dekhte hi ja rahe the

kya koi zakhm-e-dil pe kha baithe
tum jo ghaalib ko gunguna rahe the

hum to dahliz se hi laut aae
wo bhi mahfil se uth ke ja rahe the

kar ke tanqid mere lahje pe
kam-sukhan martaba badha rahe the