zamana ek wo bhi tha sahaare the tumhaare hum
khade hain ab zara dekho diwaron ke sahaare hum

bata kar ek misre mein nadi sa husn wo tera
mile phir dusre misre usi dariya kinare hum

kisi se jo nahin haara wo apnon se to haara hai
tumhaare samne jaise mohabbat phir se haare hum

tumhi har roz mujh ko khud se thoda dur karte the
falak tak dur jab pahunche hue hain phir sitare hum