zamin-e-dil ek arse baad jal-thal ho rahi hai koi barish mere andar musalsal ho rahi hai lahu ka rang phaila hai hamare canwas par teri taswir ab ja kar mukammal ho rahi hai hawa-e-taza ka jhonka chala aaya kahan se ki muddat baad si pani mein halchal ho rahi hai tujhe dekhe se mumkin maghfirat ho jae us ki tere bimar ki bas aaj aur kal ho rahi hai wo sahab aa hi gai band-e-qaba kholne lage hain paheli thi jo ek uljhi hui hal ho rahi hai