zamin farsh falak saeban likhte hain
hum is jahan ko apna makan likhte hain

hamare ahd ki tarikh munfarid hogi
lahu se apne jise naujawan likhte hain

ye jhut hai ki haqiqat ye jabr hai ki khulus
jo bewafa hain unhen mehrban likhte hain

jo aane wale zamanon se ba-khabar kar de
jabin-e-waqt pe wo dastan likhte hain

samundaron ke sitam ki kahaniyan 'jami'
darida hote hue baadban likhte hain