zamin maili hai ye aasman maila hai
dilon ke khot se sara jahan maila hai

mushawarat se teri baam-o-dar sanwarte the
jo tu nahin hai to sara makan maila hai

dil-o-nigah ki pakizgi ke soton pe
jami hai gard so sara ye gyan maila hai

tere khayal ki dharti pe panw rakhte hi
phisal ke tutne wala dhyan maila hai

wo masnadon pe muqaddas lage bahut lekin
qarib jaun to mere saman maila hai