zauq-e-sajda ek naqsh-e-kaamran banta gaya

zauq-e-sajda ek naqsh-e-kaamran banta gaya
aastan par un ke mera aastan banta gaya

be-nishani ke sahaare par nishan banta gaya
zamin-e-manzil ghubar-e-karwan banta gaya

qudratan barbaadiyon ki dastan banta gaya
khud-bakhud bijli ki zad mein aashiyan banta gaya

kya khata sayyaad ki aur baghban ka kya qusur
gulsitan mein khud tu nang-e-gulistan banta gaya

wa-e-mahrumi-e-ulfat un ka gham bhi to nadim
bad-nasibi se nasib-e-dushmanan banta gaya

mujh se kya kahte ho ab duniya jo kahti hai kahe
tum karam karte gae main dastan banta gaya

hamil-e-tamir thi takhrib-e-paiham ai 'shifa'
aashiyan mit mit ke naqsh-e-ashiyan bata gaya


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close