zehan mera qayas pahne hue
dil hai khauf-o-hiras pahne hue

us ki aankhon mein sat dariya hain
aur mere hont pyas pahne hue

bhediye ne ajib chaal chali
chhup gaya sabz ghas pahne hue

baith jate hain baam-o-dar akasr
aaine aas-pas pahne hue

hain jo munh-bole kuchh faqir miyan
ye libaade hain khas pahne hue

baat karta hai sham sannata
khamushi ka libas pahne hue

shab-e-hijran ek saya mujhe
kyun daraata hai mas pahne hue