zehn mein mere abhi koi kasak baqi hai tujh se duri ki tadap aaj talak baqi hai meri aankhon mein kahin teri chamak baqi hai meri banhon mein tere tan ki lachak baqi hai wo bahaaron ka ho mausam ya khizan ki rut ho pyar ke bagh mein har gul ki mahak baqi hai mere kamre mein padi shishe ki kirchi mein bhi dhundli dhundli si kahin teri jhalak baqi hai jitni rukhsar ki lali mein hai baqi mere ishq mein mere abhi itni dahak baqi hai