zinat-e-bazm-e-gul-rukhan hoga wo jo rad-karda-e-jahan hoga kuchh na socho rah-e-mohabbat mein jo bhi hoga wo na-gahan hoga phir wo nikle nazar churae hue phir kahin qatl-e-ashiqan hoga zakhm-e-dil jo khula nahin ab tak wahi tera mizaj-dan hoga muddaton se saba nahin aai jaane kya haal-e-mahwashan hoga badh ke un madh-bhari nigahon se kya koi jam-e-arghawan hoga tera wada wafa hua bhi to kya tera 'iqbaal' phir kahan hoga