zinda rahne ka wasila to banaya jae gham koi dhund ke sine se lagaya jae phir masarrat se chahakne si lagi hain aankhen phir chalo un ko naya khwab dikhaya jae ek muddat hui aansu nahin nikla koi kisi arman ka phir khun bahaya jae zindagi kya hai tadap hi na agar ho koi kuchh sitam kar ke yun hi dil ko sataya jae be-sukuni na aziyyat hi hui arse se ek dafa phir usi dilbar se mil aaya jae