zindagi hai to wo hangam bhi aa jaega un ke honton pe mera nam bhi aa jaega mishal-e-rah banegi meri wahshat ek din dil-e-nakaam kabhi kaam bhi aa jaega sarguzasht-e-gham-e-dil kahte hue darta hun khauf ye hai ki tera nam bhi aa jaega un se iqrar-e-wafa kar ke bahut hum khush the ye na samjhe the ki ilzam bhi aa jaega zauq-e-nazzara salamat hai to 'zamzam' ek din jalwa-e-dost lab-e-baam bhi aa jaega