zindagi main ne hazaron khwahishon mein bant di jaise ek taswir tute aainon mein bant di ranj-o-gham khauf-o-aziyyat rat-jage mahrumiyan dil ki basti ab hazaron bastiyon mein bant di muflisi mein aur kya dete bhala ahbab ko dard ki daulat bachi thi doston mein bant di ab tulua ho ya na ho subh-e-karam kya faeda main ne sham-e-be-basi tarikiyon mein bant di jab mila izn-e-rihai zindagi ki qaid se aakhiri sanson ki daulat hasraton mein bant di mere hamsae ne jo kutte ko phenki thi 'nasir' main ne wo roti utha kar bachchiyon mein bant di