zindagi mein sada wo mohabbat rahe
man ke qadmon tale meri jannat rahe

jis ke hone se aabaad hai ye jahan
ye dua hai meri wo salamat rahe

ruth jae agar man kisi baat par
phir adhuri meri har ibaadat rahe

uf bhi kahna nahin man ko rab ne kaha
wo agar khush rahe ghar mein barakat rahe

man chali jae to sab bikhar jaenge
ai khuda pas sab ke ye daulat rahe

dil dukhana nahin apne man-bap ka
yaad ye 'aisha' ki nasihat rahe