zindagi to qaid hai aur parda-e-mahfil mein hai aarzu husn-e-zamin kei gosha-e-ghafil mein hai dhundhta hai tu jise wo justuju meri bhi hai maqsad-e-ahl-e-nazar to ek hi manzil mein hai bandish-e-kaun-o-makan parwaz mein hail nahin hasil-e-jahd-o-amal to jazba-e-kaamil mein hai zulm kei tarikiyon ko jumbish-e-lab sail-e-nur bol ki hai waqt tera jo bhi tere dil mein hai jaan-fishani os kei aur mitti kei talab kya bujhegi pyas lekin kuchh nami to dil mein hai