zulmat-e-dahr ka ehsan utara jae chand se koi falak-zad pukara jae chum kar man ke qadam aur duaen le kar ghar se niklun to mere sath sitara jae furqat-o-hijr hai kya dasht-e-judai kya hai tum ko malum ho jab koi tumhaara jae phir kahin baith ke pi jae ikatthe chae phir koi sham ka pal sath guzara jae tum pe marta hai koi shakhs tumhaare jaisa kyun na us shakhs ki khatir tumhein haara jae us kam-amez ke wadon pe bharosa kar ke dar hai phir se dil-e-khush-fahm na mara jae kaise tinke ke sahaare ko sahaara samjhun is sahaare se to achchha hai sahaara jae ye charaghon ko bujhane ki ghadi hai 'iman' jis ne ab chhod ke jaana hai khudara jae