agarche wusat-e-imkan nazar mein chhod gaya safar ka shauq ghubar-e-safar mein chhod gaya kuchh aise guzra hai pagal hawa ka ek jhonka ajib khauf sa ek ek shajar mein chhod gaya bichhadte waqt jo us ne kaha tha chupke se wo ek lafz mujhe rahguzar mein chhod gaya na aahaten na sadaen na dastaken na umid na jaane kaun tha kuchh bhi na ghar mein chhod gaya ubharte dubte guzri tamam shab 'anjum' udas chand mujhe kis bhanwar mein chhod gaya