go mere dil mein aur ufuq ki lali mein hai rishta pyar ka phir bhi hum reg-e-bayaban mein is se maqtal ke siwa kya apnaen ye ret jigar goshe suraj ke jaane kab kis aane wale aalam mein phir lala-o-gul ban kar nikhren aur dur ufuq ki lali ke ham-rang banen aaj to mere dil ka bas itna rishta hai rang-e-shafaq se donon raushan rup talab ke donon hi qatil hain shab ke phir bhi un mein farq bada hai dil nadan hai dil-e-nadan takmil-e-tamanna ki baaten aaghaz-e-safar ke lamhon se hai aakhir-e-shab bhi dur bahut is bar sahar ke lamhon se