akad shah ek shakhs-e-nadan tha
wo is baat se lekin anjaan tha

thi us ki tabiat mein aawargi
himaqat wo karta tha yak-bargi

wo qarzon ke mare pareshan tha
usul-e-tijarat se anjaan tha

kharidar aate the bas khal-khal
ki mausam ka rakhta na tha wo khayal

ki sardi mein wo gole ghande rakhe
to garmi mein wo uble ande rakhe

december mein qulfi ki khole dukan
may mein rakhe mote kapdon ke than