roz jab subh ko apne ghar se nikalta hua raste mein koi dost mil jae ya jaan pahchan wala main badi garm-joshi se us ki taraf badh ke jata hun main aadab karta hun aur muskuraata bhi hun jaise main aaj ke din bahut khush hun aur ghar pe sab khairiyat hai mujh ko har har qadam par kai tarah ke log milte hain jo unchi unchi dukanon par baithe hote hain kai aise afrad main jaanta hun wo kitne ghabi hain magar kursiyon par date hain unhen log jhuk jhuk ke taslim karte hain wo log jo un se behtar hain tahzib-o-shaistagi danish-o-agahi mein magar is ko kya kijiye un ki qismat mein wo khas kursi nahin hai ki jis par koi maskhara baith jae to us ko koi maskhara kah na pae mujh ko mahsus hota hai khud mere andar koi baitha hua kah raha hai ji mein aata hai un maskharon par hansun khokhle aadmi jo bhi hain un se kah dun ki tum khokhle ho apni kursi pe baitha hua koi ahmaq unt ki tarah se bilbilae to kah dun ki kya bak rahe ho!
This is a great jitendra joshi shayari. True lovers of khushiyaan shayari facebook will love this. Shayari is the most beautiful way to express yourself and this muskurahat shayari hindi language is truly a work of art. Please share if you liked this!!!