mere khudaya
bichhad na jae

jo mujh se ab tak mila nahin hai
wo meri raaton ka rat-jaga bhi

hai mere khwabon ki chandni bhi
main us ko dekhun

to subh nikhre
main us ko sochun

to sham mahke
wo mere aangan mein panw rakkhe

to kahkashan aasman se utre
mere khayalon se us ka rishta

tamam rishton ki
sari sachchaiyon se bartar

atut an-mit azim rishta
meri dua hai

wo shakhs
is shahr-e-arzu se

jo ab ke jae
azim sach us ke sath jae