bahaar aai to jaise yak-bar
laut aae hain phir adam se

wo khwab sare shabab sare
jo tere honton pe mar-mite the

jo mit ke har bar phir jiye the
nikhar gae hain gulab sare

jo teri yaadon se mushkbu hain
jo tere ushshaq ka lahu hain

ubal pade hain azab sare
malal-e-ahwal-e-dostan bhi

khumar-e-aghosh-e-mah-washan bhi
ghubar-e-khatir ke bab sare

tere hamare
sawal sare jawab sare

bahaar aai to khul gae hain
nae sire se hisab sare