ye aakhiri saat sham ki hai
ye sham jo hai mahjuri ki

ye sham apnon se duri ki
is sham ufuq ke honton par

jo lali hai zahrili hai
is sham ne meri aankhon se

sahba-e-tarab sab pi li hai
ye sham ghazab tanhai ki

patjhad ki hawa barfili hai
is sham ki rangat pili hai

is sham faqat aawaz teri
kuchh aise sunai deti hai

aawaz dikhai deti hai
ye aakhiri saat sham ki hai

ye sham bhi tere nam ki hai