khayal-o-fikr-e-khuban se nahin ab mujh ko dilchaspi
ki un se zehn-o-dil ke sare nate tod aaya hun

jamal-e-zahiri ki manzilon ka zikr hi kya hai
manazil husn-e-baatin ki bhi pichhe chhod aaya hun

kisi bad-surati se ab nahin nafrat nigahon ko
koi bhi aib ab kulfat nahin ehsas ko deta

mahasin aur maaib donon be-mani se lagte hain
asar un se main ab achchha bura kuchh bhi nahin leta