laut kar jab na ghar gai hogi
ek qayamat guzar gai hogi

raat pur-haul bhediyon ka ghol
wo akeli thi dar gai hogi

koi aadam na koi aadam-zad
dur tak jab nazar gai hogi

ghair ka hath jab badha hoga
jite-ji wo to mar gai hogi

apne tan ko jala ke ghairat se
zakhm sab dil ke bhar gai hogi

bint-e-hawwa jo mangti hai kafan
sar se chadar utar gai hogi

ai khuda un sulagte honton ki
kya dua be-asar gai hogi