judai aur kya hai main jise sahta nahin rahta ye tum se roz ka milna juda hone se pahle der tak ek baat se ek baat tak lafzon ka ludhkana nae mausam ki baaten aalimana guftuguen un manazir ki siyasat jin ka chehra kal dikhaegi mulaqaten hain aur aisi mulaqaten ki baham roz ka milna na milna koi bhi arzish nahin rakhta ye kaisa wasl hai jis mein haden mitti nahin baaton se baaton ka milana main se tu tak ka safar bhi ban nahin pata ye kaise rabte hain kursiyon se kursiyan milti hain lekin darmiyani fasle mitte nahin