yun tedhi tirchhi aadi jaise sadak ho un ki apni hi kheti-badi do dost pichhe baithe do chadh gae agadi ye phat-phati hai koi ya bhagti pahadi phat phat phatak kar ke jab ye sadak pe dhadi daen ko pahle ghumi phir baen samt tadi ek bas se bach ke nikli ek cycle pachhadi ek taxi ko ragda number plate ukhadi footpath par jo uchhli takraya ek kabadi phir rod par utar kar machwa di bhag-bhagadi wo chauk ka sipahi roki thi jis ne gadi lo wo bhi kud bhaga phandi badi si jhadi yun dagmaga ke ladke chachu ke sare aadi dikhlaen jaise circus kuchh maskhare anadi