ye chini ki gudiya hai ya zalim bis ki pudiya
ye bad-surat gudda hai ya europe des ka bauna

hum bhi ek khilauna yaro tum bhi ek khilauna
tank ko dekho reng raha hai kaisa fat fat fat fat

unt ko dekho daud raha hai kaisa auna pauna
hum bhi ek khilauna yaro tum bhi ek khilauna

murgha kukdunkun karta hai murghi kat kat kat kat
chor bhagoda bhag raha hai le kar ek bhagona

hum bhi ek khilauna yaro tum bhi ek khilauna
chhunne bhayya soch rahe hain kaise hath dikhaen

munh mein pani hathon mein aalu ki chat ka dona
hum bhi ek khilauna yaro tum bhi ek khilauna

ghunghat us ka chhe foot lamba choti das foot lambi
bich mahalle aaj hua kani gudiya ka gauna

hum bhi ek khilauna yaro tum bhi ek khilauna