jidhar nazren uthata hun udhar chehre hi chehre hain
magar in sab mein ek be-chehragi si dekhta hun main

koi surat bana karti hai jis se shakl-e-insani
har ek chehre ko is khubi se aari dekhta hun main

laqab chehre ka zeba hai unhin ke waste yaro
jo ehsasat aur jazbaat ki tafsir hote hain

na mano faisla mera khud apne zehn se puchho
kahin auraq-e-sada bhi kabhi taswir hote hain