khwab hi to mile hain hamein roti ke khwab talim ke khwab
hukmaranon ne dikhae aazadi ke baad nai tanzim ke khwab

painsath sal ke baad bhi hum karte hain un ki qadam-bosi
hukmaranon ne kya ghol kar diye hain is yaqin ke khwab

na sadak na bijli na pani na rozgar hai mayassar
mulk ke ikkiswin sadi mein pahunchne ke ye hasin se khwab

mat aawaz utha mat mang insaf jara sa dar pyare
warna tu dekhega hawalat mein baith ke nangi zamin pe khwab

aankhon mein bhar le haqiqat ke kanch ke tukde taki khuli rahen
jagte hue tai karen hum khud ke liye behtarin se khwab