computer ka hai ye daur
ab jine ka badla taur

daftar daftar ghar ghar aaj
dekh lo computer ka raj

qadam qadam par subh o sham
computer hi aae kaam

us se hum kyun hon mahrum
jab computer ki hai dhum

daur hamara hai kuchh aur
computer sikho fil-faur

chiz bani hairat-angez
us ki memory hai tez

harf sabhi aur sab aadad
computer rakhta hai yaad

ilm-o-fan se hai aabaad
achchha-khasa hai ustad

har bhasha kar lo tahrir
aur bana lo har taswir

us par kar lo head aur tail
phir khelo man-chahe khel

nai chalai us ne rit
us par bhi bajte hain git

sikh ke computer bachcho
apne khwab ko sach kar lo