tishnagi tishnagi aur tishnagi jaane kab tak tishnagi sar phodti dasht-e-tamanna mein rahi rah mein yun to kabhi aaya sarab wahime ka nazariye ka falsafe ka aur kabhi rahguzar-e-shauq mein karbala bhi aa gaya thi jahan jari furaat-e-zindagi tishnagi ke lab magar ek ek qatre ko bhi tarsa kiye ho ke phir taswir-e-yas tishnagi ne noch dale apne baal apne chehre ko bhi zakhmi kar liya aaj lekin khud furaat-e-zist ne rakh diya hai apna sar tishnagi ke panw par mahki mahki si hawa hai ruh-parwar hai saman khil rahe hain phul lab par baj rahi hain chaar-su shahnaiyan