main jaanta hun tumhein meri aarzu nahin hai talab meri aankh mein machal ke hi itni arzan hui hai warna main apne daman mein zat ki kirchiyan samete khanakti muskan bhik lene tumhaare raste mein roz apna sawal aankhon mein le ke baithun ye khu meri to nahin thi jaanan main jaanta hun tum is qadar dewta to ho hi ki dil ke haalat jaante ho sawal lab pe na aane pae dua ko harf-e-qubuliyat bhi ata karo tum tum is qadar bhi khuda nahin ho main apne daman ka kul asasa mila ke mitti mein hath jodun aur apne hone ki bhik mangun main is qadar aadmi nahin hun