ek shakhs ek mazar pe rota tha baith kar
mera bhi ittifaq se ek din hua guzar

puchha ye main ne rota hai kyun itna zar-zar
ye walida ki qabr hai ya bap ka mazar

bola ki mere rone ka kuchh puchhiye na haal
jo shakhs is mein dafn hai us ka nahin malal

khawind meri biwi ka ye mujh se pahle tha
biwi ki dhamkiyon se ye ghabra ke mar gaya

main ro raha hun ye to jahan se chala gaya
apni bala ko mere gale se laga gaya