ye puchha ek nujumi se khatun ne sawal
mujh ko batao to zara qismat ka mere haal

karke hisab-e-zaicha us ne bata diya
qismat ka haal is tarah un ko bata diya

hoga achanak aap ke shauhar ka intiqal
aur phir milega aap ko ek dam bahut sa mal

khatun bolin itna to khud manti hun main
main bewa hone wali hun ye jaanti hun main

ye bhi main jaanti hun ki daulat main paungi
bas ye bata do main to nahin pakdi jaungi