pyare
sat sal se

is telewision par
his-masters-woice ke

munkasir-mizaj
aur burdbar kutte ki tarah

be-niyaz aur mutmain aur be-khabar
dam sadhe baithe hue ho

tumhaare qadmon ke niche
ek hashr barpa hai

jita jita lahu
telewision ki shiryanon se

phut phut kar
bah nikla hai

qalin bhig gai hai
sofe tair rahe hain

main apne lahu mein dub chala hun
meri madad karo

bhunkte kyun nahin
kutte kahin ke