ek mashwara

mere gird
ab lal pili dawaon ki
in shishiyon se
na diwar chunne ki
koshish karo
tum hisar-e-dua mein
mujhe qaid karne ki zid chhod do
ab mere zakhm-khurda badan ki
na tum suiyon se
tabibon ki
paiwand-kari karo
apni pahchan ki shakl
bigdi hui lag rahi ho
to meri
ek achchhi si taswir
kamre mein tum tang lo
mujh ko ghar ke
kisi andhe kone mein ab dal do
This is a great lal pari shayari. Please share if you liked this!!!