khwab-parast! ujala na kar
mera khun safed aur rang faq hai

mujhe nakhun se kured, aa chal ke kahin baithen
baadshah ke huzur khade khade main shal ho gai

mom-batti ki tarah
mujhe algani par tang de ki meri dohragi ka bojh

ban batne wale pe ho tujh par na ho
khwab-parast! mujhe jaga to le phir so jaana

kyunki nahin jaana jis ne jo jaana
bhid bahut hai aur beganagi us se bhi bahut

lekin mein tujhe bahuton mein se bhi dhund lungi
ba-mohabbat ba-iman khushbu daricha daricha phiri

aur kahti thi sadiyon ka kaha
bund bund mitti kashid karne ka fan

kaho kah chuko
khun-baha anaron ke khet

poshida khazanon ke khwab
anguthi pe mohr teri aankhen

aur tu hakim-e-shahr
mehrban! mehrban! mehrban

azab-e-zist se hukm, rihai ka de
ek mauqa mujhe jag-hansai ka de!