gunj uthi sari wadi zakhmi ghode ki tapon se
tapon ki aawaz pahadon se takrai bikhri

dhup kisi unchi choti se girte-padte utri
bade bade pattharon ke niche sayon ne harkat ki

udte gidh ki aankhon mein taswir bani hairat ki
ret chamakti ret, ret aur patthar aur ek ghoda

ghode par ek lash, lash ko le kar ghoda dauda
hairat ki taswir giri chakraate gidh ki aankhon se

gunj uthi sari wadi zakhmi ghode ki tapon se