raat ka waqt hai
koi aahat na kar

baat jo bhi ho man mein wo man mein hi rakh
bol dene se taklif ghatti nahin

balki bat jati hai aur
badh jati hai

raat ke waqt to chup hi rahna munasib hai kahna nahin
ek bhi baat mujh par jo bhaari pade

koi bhi baat jo mujh ko sone na de
aur sun baat sun

mere sun lene se ye pareshaniyan hal na hongi kabhi
main tera ek mamuli aashiq hi hun chaaragar bhi nahin

koi aisi pareshani ho jis ka hal
mere sine se lagte hi mil jaega to hi zahmat utha

mujh ko bas wo bata jis mein jismon ki tasir kaam aa sake
is barahna badan par badan ki hi tadbir kaam aa sake

aur ye mumkin na ho to wahi baat hai
raat ka waqt hai