suniye ye ek qissa
guddu ki sadgi ka

guddu ke master ne
ek din ye us se puchha

guddu miyan tumhaare
papa ka kiya hai pesha

peshe ka lafz sun kar
guddu na kuchh bhi samjha

aasan dhang se phir
yun master ne puchha

guddu tumhaare father
ka kya hai kaam dhanda

guddu ne khamushi se
kuchh der tak to socha

phir totli zaban mein
aahistagi se bola

rahte nahin hain ghar mein
din ko to mere papa

mammy hi sirf meri
karti hai kaam sara