pyara desh hamara bhaarat
sare jag se nyara bhaarat

koh-e-himala is ka darban
dudh ki har-ja bahti nadiyan

mast faza mein amrit barse
pyari dharti sona agle

sab mausam hain pawan is mein
sardi garmi sawan is mein

odhe himala barf ki chadar
is ke charan dhota hai sagar

pag pag par yun jit hai is ki
pyar mohabbat rit hai is ki

hindi is mein urdu is mein
bhasha bhasha jadu is mein

jaan luta denge hum is par
shan badhaenge sab mil kar

kabhi na hoga sar kham is ka
sah ranga hai parcham is ka