ilm se badh ke kuchh bhi jahan mein nahin
phul aisa koi gulsitan mein nahin

ilm allah ne farz hum par kiya
ilm se hum pe raaz-e-haqiqat khula

ilm se hi mili hum ko rah-e-wafa
ilm hai ibtida ilm hai intiha

ilm se badh ke kuchh bhi jahan mein nahin
phul aisa koi gulistan mein nahin

ilm se hum ko rah-e-haqiqat mili
ilm par hai amal ki imarat khadi

ilm fikr-o-nazar ilm hai aagahi
ilm ehsas hai ilm hi zindagi

ilm se badh ke kuchh bhi jahan mein nahin
phul aisa koi gulsitan mein nahin