sabz zard surkh aur ba-nafsi
chaman ke sare rang pur-kashish hain

magar main dar rahi hun ki koi rang ud ke
mere dupatte ke zholida rangon pe chadh na jae

tamanna-e-dil ke canwas par
mujhe tamasha-e-fan-e-tajrid se dur rakhna

main apna pairagi rang odhe
chaman ko bas dur se tak rahi hun

mujhe tumhaare rangon se kya lena-dena
main kachche rangon aarzi mausamon se dur bhagti hun