main karachi ki rahne wali hun
ek samundar yahan pe bahta hai

is samundar ki main bhi mahi hun
ishq ki rah ki main rahi hun

meri manzil hai is ki khamoshi
meri aawaz wo samajhta hai

us ki maujon se aashna hun main
us ki lahren bhi jaanti hain mujhe

main yahan roz sham aati hun
apne gham ka bayan karne ko

ye mera haal-e-dil bhi sunta hai
aur mujhe apni bhi sunata hai

hum yahan pahron baat karte hain
shikwa-e-kaenat karte hain