tamam-umr dil-e-khud-nigar ki nazr hui
adhure khwab hain daman mein tishna-lab baaten

gulu-girafta gale be-asar munajaten
jo ghut ke mar gain sine mein wo mulaqaten

jo karwaton mein katin wo gunah ki raaten
ba-shauq-e-qadr kahin jin ki qadr ho na saki

wo armughan-e-nawa wo sukhan ki saughaten
ba-nam-e-husn wo chitthi jo dar ki nazr hui

zamane ki nigah-e-kaj-nazar ki nazr hui
tamam-umr dil-e-pur-hazar ki nazr hui

ba-kar guzri hai jaane ki raegan guzri