surkh honton ke asar se udas raaton ke be-qarar lamhon mein jab kabhi yaadon ke aaseb zehn pe apne wajud ke mohr lagate hain to dil kisi ajnabi mustaqbil ke imkan se ghabrane lagta hai sochon ki bulandi se sargoshiyon ki sadaen khayal ko thapthapa kar sawal karti hain kya paikar apne sae ki had se nikal kar kisi nae jahan ki tamir kar sakta hai kya kisi mast nadi ke qadmon mein koi apne sarmae ki bhent chadha sakta hai aao kuchh baat karen batao kya ye mumkin hai