main apne khun ko jawab deta hun
nichla dhad mere sath rahne do

mere hissa hai mera main hai
ki apne haiwan ki pahli manzil se chalne wala

ki apne insan ki sidhiyon tak pahunchne wala
mera hi jauhar tha

shahd ka qatra qatra haiwan tha
apne insan ki sidhiyon se bhi aur uncha

wo mansab-e-nasl jo farishton se baala-tar hai
jo meri aamad ka muntazir hai

mere hi jauhar ke tisre aakhiri qadam ka amin hoga
mujhe khabar hai

ki aane walon ko
dasht-e-imkan mein ek nae naqsh-e-pa ke abadi wajud ka bhi yaqin hoga