lamha-e-maujud se mukalima
main ye bola guzarte lamhe se

dam to le yar
aisi jaldi kya

do ghadi pas baith
baat to kar

lamha bola
main ruk nahin sakta

kyunki ek mustaqil safar hun main
mujh ko lamhe se

sadi banna hai
ruk gae hote gar qadam mere

irtiqa-e-insani
thahar gaya hota

aap patthar ke daur mein the jahan
jangalon ki jhadi mein

gahre andhe ghaaron mein
aaj bhi pade hote