wahshat ki amawas mein tumhaari yaad chhupi hai
aur tumhaari yaad mein bahut sare khauf

bilkul achanak
baghair kisi wajh ke

sine mein dhaddhadate dil ko
sakit-o-jamid karne wale khauf

ye wo aise waise achchhe bure
marne wale todne wale khauf

bhayanak qism ke khauf
ajib qism ke khauf

kenchuli badalne wale khauf
aur pata nahin kaise kaise khauf

tum ne suna nahin
main tum se mohabbat kar ke bahut se khaufon mein ghir gai hun

main thak gai hun