mujhe nafrat nahin hai ishqiya ashaar se lekin
abhi in ko ghulamabad mein main ga nahin sakta

mujhe nafrat nahin hai husn-e-jannat-zar se lekin
abhi dozakh mein is jannat se dil bahla nahin sakta

mujhe nafrat nahin pazeb ki jhankar se lekin
abhi tab-e-nashat-e-raqs-e-mahfil la nahin sakta

abhi hindostan ko aatishin naghme sunane do
abhi chingariyon se barg-e-gul rangin banane do